دبوووووك
زائر
 | موضوع: لاتكتئب لاتنجرح .. واجه صحاري المستحيل !!  الإثنين مايو 28, 2007 5:01 pm | |
| نايف ترى حزني سما..والصبر ماظنه جميـل إسمع شقول بقصتي ..ترى المعاني جارحـه
عطني عيونك ينتهي بردي وذا الليل الطويـل وأعطيك روحي والعمر...وإقرا علي الفاتحـه
راحت حياتي كلها ..مابين غربـه أو رحيـل كيف أغترب في موطني..هذي الهزيمه فادحه
كم قالوا إن الموت حق..لكن أنا مثل النخيـل أموت واقف كالنخل ..وسيول جنبي طافحـه
مخدوع من قال الفرح طعمه كطعم السلسبيـل الحزن يجري بالعروق..مثل الخيول الجامحـه
إستسلمت كل الدروب..في كفي الغض الهزيل وإنتحرت دموعي حزن..ليله لقانـا البارحـه
خذ مهجتي لجلك دفا..وإشرب حناني زنجبيل ثلج المسافه نبعده ..وأشوف بسمه واضحـه
يمكن تعيش الحب جنه..أو ليالي من عويـل لكن تحذر تخضع براسـك ..لعـذرا نايحـه
زلزل طموحك..لا تكون القاتل أو حتى القتيل هذي السعاده تعشقـك مره..ومـره رايحـه
نايف ترى دنياك صعبه..مايعيش إبها الذليـل إهمس لوقتك بالحقيقه..وإن رفضها صارحـه
لا تكتئب..لا تنجرح..واجه صحاري المستحيل الحزن لوما صافحك..لازم عليـك إتصافحـه
الوقت لو صدك ..تأكد إنك إنت..إنت الأصيل يبقى شموخك مرتفع ..مثل الطيور الجارحـه
كون الجبل ..كون بحياتك كلها عابـر سبيـل وإن ظامك الدهر بكفوفه وبجروحه..سامحـه
هذا الزمن دايم كذا..إن مـال ولا لـه نميـل الريح لوما ننحنـي ..تجعـل جثثنـا طايحـه
الشاعر / موسى الخليفي
******
 |
|
